Loading...

Majipu Mapya Tume ya Uchaguzi naTanesco Yaibuliwa Bungeni


Ripoti ya mwaka ya Mamlaka ya Udhibiti wa Umma (PPRA) imewasilishwa bungeni mjini Dodoma ikibainisha majipu katika utoaji wa zabuni katika baadhi ya mashirika na taasisi za umma ikiwamo Tume ya Uchaguzi na Tanesco.

Ripoti hiyo ya tathimini kwa mwaka wa fedha wa 2014/2015 iliyotiwa saini na mwenyekiti wa bodi, Balozi Dk Martin Lumbanga iliwasilishwa juzi na Naibu Waziri wa Fedha na Mipango, Dk Ashantu Kijaji, ikibainisha ukiukaji wa taratibu za zabuni, harufu ya rushwa na kupuuzwa kwa ushauri wa mamlaka hiyo.

Ununuzi wa BVR

Katika ripoti hiyo mamlaka hiyo inabainisha majipu kwa kutofuatwa kwa kanuni katika zabuni ya ununuzi wa vifaa vya kuandikisha wapiga kura (BVR).

Imeelezwa kuwa Tume ya Taifa ya Uchaguzi (NEC), ilipotangaza zabuni hiyo ya Dola 78.9 milioni (Sh 169.6 bilioni) kampuni ya SCI Tanzania Limited ilishinda zabuni hiyo lakini ikalalamikiwa.

Katika malalamiko yake, kampuni ya Safran Morpho ambayo pia iliomba zabuni hiyo, ilikata rufaa ikisema haikuridhishwa na mchakato mzima ulivyoendeshwa na SCI Tanzania Limited kushinda.

Baada ya kushughulikia rufaa, Mamlaka ya Rufaa ya Manunuzi ya Umma (PPAA) ilibaini kuwa SCI Tanzania Ltd haikuwa na uzoefu uliotakiwa, fedha, ufundi wala uwezo wa kuzalisha na ikaiagiza NEC kuanza mchakato wa zabuni upya.

Badala ya kutekeleza uamuzi huo, NEC iliwakaribisha tena wazabuni wote ambao walishindana katika zabuni iliyofutwa na vifaa vya kampuni ya Lithotec Export vilionekana kufanya kazi vizuri.

Ripoti hiyo inasema NEC iliamua kutumia utaratibu wa chanzo kimoja (single source) na kusaini mkataba na kampuni hiyo ya Afrika Kusini ya kusambaza BVR 10,500 zenye thamani ya Dola za Marekani 89 milioni (Sh191.3 bilioni), ikiwa ni ongezeko la Sh21.7 bilioni za awali.

Mbali na hilo, baadhi ya maofisa wa NEC walishiriki katika timu ya uthamini kwenye bodi ya zabuni na vikao vya majadiliano, hali iliyosababisha mgongano wa maslahi.

Mkurugenzi wa Uchaguzi wa NEC, Kailima Ramadhan alipoulizwa alisema sheria ya manunuzi ya umma inaruhusu kupatikana mzabuni kwa njia ya ‘single source’ na kwamba hawakuwa wamevunja sheria yoyote na BVR 8,000 zilinunuliwa na watu wakapiga kura.

“Ni kweli PPAA walipoona mapungufu walitwambia turudie mchakato upya na sheria inaruhusu mzabuni mmoja kulingana na mazingira, hatukuwa kinyume cha sheria,” alisema Kailima.

Majipu Rahco

Katika hatua nyingine, PPRA imebaini madudu katika zabuni ya kuboresha Reli ya Kati iliyofanywa na kampuni ya Rahco, ambayo haikuwa katika mpango wa manunuzi kwa mwaka 2014/2015.

Mamlaka hiyo inadai mkurugenzi mkuu wa Rahco alijitwalia madaraka yote ya kuwa mamlaka ya uidhinishaji wa bajeti na yale ya bodi ya zabuni na kuidhinisha matumizi ya fedha.

Meneja mkuu wa manunuzi wa Rahco, alitoa ushauri sahihi kwa mkurugenzi huyo mwendeshaji lakini ushauri wake haukuzingatiwa na matokeo yake alibanwa na mkurugenzi huyo.

Kwa mujibu wa taarifa hiyo, bodi ya zabuni ya Rahco haikushirikishwa kabisa katika mchakato huo wa zabuni ambapo kampuni ya CRCC and Integreted Communication zilipewa zabuni.

Jukumu la kuita wazabuni na kuwapa zabuni hiyo lilifanywa na mkurugenzi mwendeshaji wa Rahco pekee bila kushirikisha bodi ya zabuni, taarifa hiyo inabainisha.

PPRA imeeleza katika taarifa hiyo kuwa hakuna ushahidi wowote wa nyaraka kuonyesha ni kwanini mkurugenzi huyo aliivunja bodi ya zabuni iliyokuwepo na kuteua nyingine kabla ya muda wake kwisha.

Mamlaka hiyo imependekeza mkurugenzi huyo, Benhadard Tito afike mbele ya Bodi ya wakurugenzi ya Rahco kujieleza ni kwanini alikiuka kwa makusudi sheria ya manunuzi ya umma.

Vilevile mamlaka hiyo inaagiza bodi ya wakurugenzi kumchukulia hatua mkurugenzi huyo huku ikipendekeza suala hilo lipelekwe Takukuru ili kuchunguza uwepo wa mazingira ya rushwa.

Mamlaka hiyo ilipendekeza Rahco ijulishwe kuwa zabuni kati yake na makampuni hayo ni batili na ianzishe mchakato upya na pia kulipeleka suala hilo kwa mkurugenzi wa upelelezi (DCI) kwa uchunguzi zaidi.

Hata hivyo, Tito na mwanasheria wa Rahco, Emmanuel Massawe na mwakilishi wa kampuni ya RothChild Proprietary Ltd ya Afrika Kusini, Kanji Mwinyijuma wameshtakiwa kwa makosa tofauti na hilo la PPRA.

Tito ameshtakiwa kwa makosa ya uhujumu uchumi, matumizi mabaya ya madaraka na kula njama na kuisababishia Serikali hasara ya Dola 527,540 za Marekani.

NHIF na kampuni ya China

PPRA inabainisha kuwa zabuni ya Sh8.1 bilioni ilitolewa kinyume cha taratibu na Mfuko wa Bima ya Afya (NHIF) kwa kampuni ya China Wuyi Co. Ltd.

PPRA inasema NHIF kupitia barua yake ya Agosti 28,2014, iliitaka mamlaka hiyo kufanya uchunguzi katika mchakato wa zabuni hiyo ikishuku kuwapo kwa mchezo mchafu.

Baada ya uchunguzi, PPRA ilibaini kuwa timu ya wathamini ya NHIF ilikosea kwa kupendekeza kampuni hiyo ipewe zabuni kwa sababu ilikuwa imefungiwa na Benki ya Dunia kufanya shughuli za manunuzi kuanzia mwaka 2009 hadi 2017.

Kutokana na makosa hayo, PPRA imemtaka ofisa aliyehusika kusaini zabuni hiyo kujieleza kwanini asichukuliwe hatua za kinidhamu kwa kukiuka sheria kwa kuipa zabuni kampuni iliyozuliwa kushiriki manunuzi ya umma.

Pia mamlaka hiyo imependekeza kuchukuliwa kwa hatua kwa timu ya uthamini kwa kushindwa kubaini mapungufu hayo na hatua kama hizo pia zichukuliwe kwa bodi ya zabuni ya NHIF.

Tanesco na zabuni ya mafuta

Mbali na suala hilo, mamlaka hiyo pia imemtaka mwenyekiti wa bodi ya zabuni ya Tanesco kujieleza kwanini asichukuliwe hatua kwa kuiingiza kampuni ya Camel Oil (T) Ltd katika zabuni wakati iliondolewa kwa kukosa sifa.

Kampuni hiyo pamoja na Oryx Oil Company Limited ziliingizwa katika zabuni ya ununuzi wa mafuta mazito (HFO) kwa ajili ya mashine za kuzalisha umeme za kampuni ya IPTL.

Ripoti hiyo inafafanua kwamba shehena ya kwanza ya lita milioni 9 zenye thamani ya Sh12.4 bilioni zilinunuliwa kutoka kampuni ya BP na shehena ya pili ya lita milioni 16 yenye thamani ya Sh21.2 bilioni ikanunuliwa kutoka Puma.

Hata hivyo, PPRA imebaini mapungufu ikiwamo kutokuwapo kwa barua ya ushindi wa zabuni iliyotumwa kwa BP na pia hapa kuwa na hati ya makabidhiano (delivery note) kama ushahidi.

Taarifa hiyo imefafanua kuwa kampuni ya BP ililipwa kwa kuegemea mzigo uliopakiwa wa lita 8,979,000 lakini shehena iliyoshushwa katika mitambo ya IPTL ilikuwa lita 9,970,106, ikiwa ni lita 991,106 zaidi.

Mamlaka hiyo ilibaini kuwa kutokana na zabuni hiyo, BP ililipwa Sh12.4 bilioni kwa hati ya malipo namba 58 VC 1100081 ambayo ilionyesha malipo hayo yalizidishwa kwa Sh42.4 milioni

Mwenyekiti wa CHADEMA, Freeman Mbowe atinga Nigeria kwa Nabii TB Joshua

Ninatazama Emmanuel tv hapa nimemuona mhe. Freeman Mbowe akiwa kwenye ibada katika kanisa la The Synagogue Church of All Nations linaloongozwa na Prophet T.B Joshua

SUMATRA yatangaza nauli kwa mabasi yaendayo kasi

Baada ya Kampuni ya UDA-RT kuwasilisha maombi ya nauli zitakazotumika kwa mabasi yaendayo haraka kwa Mamlaka ya udhibiti usafiri wa nchi kavu na majini (SUMATRA), leo hii (May 09 2016) SUMATRA imetangaza nauli hizo.

SUMATRA imesema kuwa njia ya pembezoni (Freeder Route) nauli ya mtu mzima ni 400 na mwanafunzi 200 na njia kuu (Trunk Route) ni 650 na mwanafunzi 200 na kwa abiria atakayetumia kusafiri njia kuu (Freeder Route) na kuendelea na safari kwa njia ya pembezoni nauli yake itakuwa ni 800 na mwanafunzi 200.

Huduma hiyo itatolewa kuanzia kesho bure kwa wananchi kwa siku mbili mfululizo na ifikiapo May 12 2016 zitaanza kutozwa nauli zilizotajwa.

Msimamizi wa mradi kutoka DART, Injinia Ronald Lwakatare amesema haya wakati akiongea na waandishi wa habari mchana huu;

‘Wakati huo tunafanya majaribio tutakuwa tunaangalia mfumo unavyofanya kazi kwa hiyo tutawabeba abiria kwa siku kadhaa bila kulipa nauli’.

Mauaji ya Kutisha Kaole Bagamoyo Jana Jioni..Mama na Mtoto Wachinjwa Kama Kuku

Samahani kwa Kuficha Picha , Sio Nzuri
Watu wawili mama na mtoto wamenyongwa hadi kufa kisha kuchinjwa kama kuku maeneo ya kaole jion ya jana

Habari kutoka Kaole; Majira ya saa 12 jioni jana, ilipita pikipiki eneo hilo ikiwa imepakiza watu watatu, dereva wa nne! Wanaume wawili, mwanamke na mtoto.
Walipofika eneo la darajani, porini kidogo, pikipiki ilipaki, watu wote wakashuka ndipo hatua za utekelezaji mauaji hayo zilianza.

Inadaiwa kwamba, Mama na mtoto wake walinyongwa Kwanza kabla ya kuchinjwa shingoni mithili ya kuku!
Lakini wakati mauaji hayo yakitekelezwa kulisikika makelele porini ambapo baadhi ya wananchi waliyoyasikia walielekea huko ndipo walipokutana na wauaji hao wakiwa na majambia yaliyoloa damu wakitokea porini.

Walipowaona watu hao walikimbia na kuacha pikipiki yao ambayo inashikiliwa Polisi. Katika eneo la tukio, mbali na pikipiki pia kulikutwa simu tatu za mkononi na mkoba wa mwanamke aliyeuawa.
Kwa mujibu wa taarifa, watu hao ni wageni Kaole na mpaka sasa bado miili yao haijatambuliwa!

Picha zinatish mno ndo maana hazijatumwa humu kama una ndugu yako mwenye mtoto wa kiume umri miaka 3-5 halafu kapotea mazingira ya kutatanisha jitahidi kufwatilia

Breaking News:Asha-Rose Migiro ateuliwa kuwa Balozi wa Uingereza

Dkt. Asha-Rose Migiro anakwenda kuchukua nafasi iliyoachwa wazi na Balozi Peter Kalaghe ambaye amerudishwa nyumbani.
Dkt. Asha-Rose Migiro ataapishwa kesho Alhamisi tarehe 05 Mei, 2016 katika Ikulu ndogo ya Chamwino Mkoani Dodoma.

BREAKING NEWS: HATIMAYE WAZIRI MAHIGA ASEMA HAYA LEO KUHUSU MKE WAKE KUMTUKANA TRAFIKI NA KUMFANYA RAIS ATAMKE APANDISHWE CHEO

Amesema mke wake hakumtukana askari aitwaye Deogratias Mbando bali walipishana. “Nilifuatilia suala hili, walitofautiana tu kauli. Mama hakutukana” alisema. Hata hivyo alisema suala hilo limeisha na asingependa kuendeleza malumbano hayo
Chanzo: Mtanzania

HABARI NZITO: IKULU KIMENUKA TENA BAADA YA VIGOGO HAWA WA IKULU KUBAINIKA WAMETAFUNA MABILIONI YA FEDHA NA KUMFANYA RAIS KUMWAGA MACHOZI KILA KUKICHA NA KUPATA WAKATI MGUMU


20160503_043819
20160503_043451

BREAKING NEWS: HABARI YA KUSIKITISHA, AJALI MBAYA YATOKEA BAADA YA UZEMBE WA DEREVA WA GARI HILO KUTEMBEA KWA KASI KUBWA NA KUSHINDWA KUIHIMILI KASI IYO NA GARI KUHAMA NJIA NA KUSABABISHA VIFO VYA WATU HAWA HAPOHAPO....



Mtoto wa miaka mitatu aliyefahamika kwa jina la JANET PONSIAN mkazi wa Matemela Wilaya ya Mbarali Mkoani Mbeya alifariki dunia papo hapo baada ya kugongwa na Gari yenye namba za usajili T.957 CWJ aina ya Isuzu Journey ikiendeshwa na dereva aliyefahamika kwa jina la ELIABU MYEKO (33) mkazi wa Makambako Mkoa wa Njombe.

Tukio hilo limetokea mnamo tarehe 01.05.2016 majira ya saa 17:45 jioni huko katika Kijiji cha Matemela, Kata ya Ipwani, Tarafa ya Rujewa, Wilaya ya Mbarali, Mkoa wa Mbeya.

Aidha chanzo cha ajali hiyo ni mwendo kasi na uzembe wa Dereva wa Gari hilo. Dereva alikimbia mara baada ya tukio na jitihada za kumtafuta kwa kushirikiana na mmiliki wa Gari zinaendelea. Mwili wa marehemu umehifadhiwa Kituo cha Afya Ipwani Wilayani Mbarali kwa uchunguzi wa kitabibu.

Kaimu Kamanda wa Polisi Mkoa wa Mbeya Kamishna Msaidizi wa Polisi EMANUEL G. LUKULA anatoa wito kwa madereva kuwa makini wanapotumia vyombo vya moto ikiwa ni pamoja na kuzingatia sheria, alama na michoro ya usalama barabarani ili kuepuka ajali zinazoweza kuepukika. Aidha anatoa wito kwa yeyote mwenye taarifa zitakazofanikisha kukamatwa kwa dereva huyu azitoe kwa mamlaka husika ili akamatwe.

Katika Misako:
Jeshi la Polisi Mkoa wa Mbeya linamshikilia mtu mmoja mkazi wa Matemela aliyefahamika kwa jina la HUSSEIN BAKARI (59) baada ya kukutwa na miche 25 ya Bhangi akiwa amepanda kwenye bustani yake ya mbogamboga.

Mtuhumiwa alikamatwa katika msako uliofanyika mnamo tarehe 01.02.2016 majira ya saa 16:00 jioni katika Kijiji cha Mayota, Kata ya Lugelele, Tarafa ya Rujewa, Wilaya ya Mbarali, Mkoa wa Mbeya.

Aidha katika msako mwingine, Mtu mmoja aliyefahamika kwa jina la WILSON PHILIP (19) mwendesha Pikipiki @ bodaboda, mkazi wa Msasani anashikiliwa na Jeshi la Polisi Mkoa wa Mbeya akiwa na Bhangi yenye uzito wa Gram 10.

Mtuhumiwa alikamatwa na askari katika msako uliofanyika mnamo tarehe 01.05.2016 majira ya saa 17:05 jioni huko Mtaa wa msasani, Kata ya Bagamoyo, Tarafa ya Tukuyu Mjini, Wilaya ya Rungwe, Mkoa wa Mbeya.

Watuhumiwa watafikishwa mahakamani mara baada ya upelelezi kukamiliki.

Lulu Michael:Mastaa Bongo Mtaishia Kuchambana Instagram tuu

ZA uso laivu! Staa mwenye mvuto Bongo, Elizabeth Michael ‘Lulu’ amefunguka kuwa mastaa wengi Bongo wataishia kuchambana kwenye mtandao wa kijamii wa Instagram badala ya kutafuta elimu ili siku moja wapate nyadhifa serikalini.

lulu2342 (1)

Akizungumza na Ijumaa Wikienda, wikiendi iliyopita, Lulu alisema kwamba, amegundua kuwa elimu ndiyo kila kitu hivyo amewasihi mastaa wenzake waache kuchambana na kutuma picha kwenye mitandao ya kijamii badala yake watafute njia ya kujikwamua kielimu.

“Jamani mmemuona mwanamama mwenzetu Dk. Tulia alivyojinyakulia unaibu spika? Hiyo ndiyo raha ya elimu. Mastaa kazi kutukanana kwenye mitandao ya kijamii na kuweka picha, mwisho wenu utakuwa hivyohivyo,” alisema Lulu.

Waziri Makamba Awasilisha Makadirio ya Mapato na Matumizi kwa Mwaka wa Fedha 2016/2017.

Serikali inaendelea kusimamia mazingira na kuhakikisha mifuko ya plastiki inayotumika nchini iwe ni ile inayokidhi viwango vianavyokubalika ili kuondokana na changamoto ya kuzagaa kwa mifuko hiyo katika maeneo mbalimbali.

Kauli hiyo imetolewa leo Bungeni mjini Dodoma na Waziri wa Nchi, Ofisi ya Makamu wa Rais, Mazingira na Muungano January Makamba alipokuwa akitoa hoja ya wizara yake kuidhinishiwa maombi ya fedha kwa mwaka wa fedha 2016/2017.

Makamba amesema kuwa sababu kubwa ya kusambaa kwa mifuko ya plastiki inatokana na mifuko hiyo kutolewa bure na hivyo kuchafua mandhari na kuziba mifereji sehemu mbalimbali hali inayosababisha athari kubwa katika mazingira.

“Asilimia kubwa kwenye mito, maziwa na fukwe za bahari imejaa mifuko ya plastiki, hali hii ni hari kwa usalama wa mazingira yetu” alisema Makamba.

Akiwasilisha hotuba yake, Waziri Makamba amesisitiza kuwa mifuko ya plastiki isiyotakiwa kutumika nchini ni ile yenye unene chini ya maikroni 50 ambayo hairuhusiwi kuzalishwa wala kuingizwa.

Kwa mujibu wa maelekezo ya bajeti ya mwaka wa fedha 2015/2016, Waziri huyo amesema kuwa Ofisi ya Makamu wa Rais imekamilisha kanuni mpya ya mifuko ya plastiki zinazorekebisha viwango vya unene unaoruhusiwa kutoka Maikroni 30 kwenda Maikroni 50.

Waziri Makamba amesema kuwa kanuni hizo tayari zimesainiwa kupitia tangazo la Serikali Na.271 la mwaka 2015 na kutolewa katika Gazeti la Serikali Julai 17, 2015 na kupewa Na. 29.

Je Zari na Aliyekuwa Mumewe Ivan Wamerudiana? Hizi Picha zazua Utata Mkubwa Huko Insta

Huku Instagram picha hizo mbili zimekuwa gumzo leo baada ya Mama mtoto wa Diamond kwasasa Zari Hassan na aliyekuwa mumewe Ivan Kuonekana wamepiga picha sehemu moja inayofanana kwenye sehemu ya kuogelea..Picha hizi zimeleta wasiwasi kuwa huenda wawili hao walikuwa pamoja wakiogelea huku wengine wakimtetea Zari na kusema kuwa yeye alikuwa hiyo sehemu siku nyingi lakini Ivan ameenda sehemu hiyo hiyo na kupiga picha na kuzitupia mtandaoni leo kumuumiza Diamod  na kuwapa watu cha kuongea

Jaji amwachia huru mbakaji

Mahakama ya Kenya
SAID Chitembwe, Jaji nchini Kenya amemwacha huru Martin Charo aliyehukumiwa kifungo cha miaka 20 jela kwa kosa la kubaka mtoto wa mika 13.
Chitembwe amesema, mtoto huyo alijifanya ni mtu mzima na kufurahia kufanya tendo hilo hivyo haiwezi kuwa kesi ya kubaka licha ya Sheria ya Kenya kutambua mtoto huyo kuwa na umri wa miaka 18.
Hata hivyo jaji huyo amesema, ingawa umma utakasirishwa kwa mtu mzima kujihusisha na mapenzi na mtoto amesema, mambo ya mebadilika na kwamba watoto siku hizi wana shiriki ngono katika umri mdogo.
Vincent Monda, Naibu Mkurugenzi wa Mashtaka ya Jinai nchini humo (DPP) amesema kuwa, hakufurahishwa na uamuzi wa Jaji Chitembwe katika mahakama ya rufaa kwa kumwacha na kwamba ofisi hiyo itakata rufaa dhidi ya jaji huyo.

Kubenea aing’ang’ania UDA

Mabasi ya UDA
SAED Kubenea, Mbunge wa Ubungo ameanzisha tena mjadala wa Shirika la Usafirishaji Dar es Salaam (UDA) na Mradi wa Mabasi yaendayo kasi Dar es Salaam (UDART) bungeni jana, anaandika Happiness Lidwino.
Licha ya mapema jana Lawrance Mafuru, Msajiri wa Hazina kudai kuwa, Halmashauri ya Jiji la Dar es Salaam iliiuzia UDA hisa kihalali, Kubenea ameendela kupinga kauli hiyo na kuongeza, UDA imeuzwa kifisadi na taratibu hazikufuatwa.
Kubenea amesema, hisa za mradi huo ziliuzwa kinyume cha sheria kutokana na tamaa ya viongozi wachache waliokuwepo madarakani wakati mradi huo ukiuzwa kwa Kampuni ya Simon Group Limited.
“Ripoti ya Mdhibiti na Mkaguzi Mkuu wa Hesabu za Serikali pamoja na kikao cha Baraza la Madiwani cha kamati ya uongozi wa Jiji la Dar es Salaam na serikali yenyewe akiwemo Msajili wa Hazina imejiridhisha kuwa, hisa za UDA ziliuzwa kinyume cha utaratibu, kwa anayejiita mwekezaji wa Kampuni ya Simon Group Ltd.
“Na kwamba, rasilimali za UDA zinazohamishika na zisizohamishika zilitawanywa katika mabenki mbalimbali kwa kuwekwa dhamana. Na mwanahisa mkuu wa hazina hakuridhishwa na uamuzi wa kuuzwa kwa UDA,” amesema Kubenea.
Anasema, mkutano mkuu wa wanahisa wa tarehe 10 Juni mwaka 2011 uliosimamiwa na Didas Massaburi, aliyekuwa Meya wa Jiji la Dar es Salaam katika kuidhinisha uuzaji wa UDA usiokuwa halali, serikali inajua.
Pia amesema, Bunge la Jamhuri ya Muungano linajua na kwamba, anashangazwa na hatua ya serikali kuendelea na uuzaji huo licha ya kujua ufisadi uliofanyika huko nyuma.

“Mkutano huo wa kifisadi uliitishwa na watu wanne haukukidhi akidi na ulisimamiwa na mtu mmoja   Massaburi, Robert Kisena ambaye ni Mkurugenzi wa Simon Group; Mwanasheria wa Jiji, Isack Nasoro; na Philiphs Mwakisa, Mkurugenzi wa Jiji kwenye mkutano huo ndipo ikatangazwa kuwa Simon Group imekidhi vigezo vya kuchukua UDA ambapo si kweli,” amesema Kubenea.
Kwa habari zaidi sikiliza audio hapo chini.

HABARI NZITO...MKUTANO WA GHAFLA ULIOITISHWA NA RAIS MAGUFULI NA VIGOGO WAZITO WA CCM WAIBUA MAPYA ILA KUBWA ZAIDI NI HILI LA "MAJIPU YATAONDOKA NA CCM"

John Magufuli, Rais wa Tanzania (kulia) akiwa na Mwenyekiti wa CCM, Jakaya Kikwete
WIKI iliyopita, Rais John Magufuli aliitisha mkutano wa ghafla kukutana na viongozi wa Chama Cha Mapinduzi (CCM) ngazi ya mikoa na wilaya zote nchini, anaandika Ansbert Ngurumo.
Mwaliko huo ulikuwa wa ghafla na uliambatana na sharti moja kuu la viongozi hao kutofika Dar es Salaam wakiwa wamevaa sare za chama.
Gharama za safari zililipwa na Ikulu na makada hao waliondoka wakifurahia jinsi Ikulu ilivyowakarimu kwa chakula safi, kingi na cha kusaza!
Mkutano huo ulifanyika Ikulu na ilionekana wazi kuwa, waandaaji walikuwa ni maofisa wa Ikulu. Abdulrahmani Kinana, Katibu Mkuu na vijana wake wa makao makuu, hawakuwa na raha.
Walionekana wazi kuchoka na kusubiri mkutano huo uishe ili waendelee na shughuli zake nyingine.
Baada ya kufika katika ukumbi wa mkutano huo, hata itifaki za kawaida za mikutano ya ndani ya CCM zilikuwa hazieleweki, jambo lililomfanya Kinana kusimama mara kadhaa kurekebisha hapa na pale ili mambo yaende.
Kinana alikuwa na ujumbe mmoja kwa washiriki – kwamba mwezi Juni mwaka huu, Rais Magufuli atakabidhiwa chama kama mwenyekiti.
Kabla ya mkutano huo, nje ya ukumbi wa mikutano Ikulu na kwenye hoteli walikofikia makada, gumzo kuu lilikuwa ni kama CCM itakuwa salama chini ya Magufuli.
Wapo waliojidanganya kuwa Jakaya Kikwete, mwenyekiti wa sasa, hawezi kukabidhi chama mpaka 2017. Mashabiki hao wa Jakaya walisema Rais Magufuli aachwe aendelee na kazi ya kutumbua majipu serikalini, chama kibaki na Jakaya, ili kibaki salama.
Pale ukumbini, baada ya Kinana kutangaza kuwa Rais Magufuli atakabidhiwa chama mwezi Juni, kundi dogo la makada mashabiki wa Magufuli walishangilia, huku wakijishtukia wenyewe kwa wenyewe.
Walio wengi hawakuona sababau ya kushangilia kwa sababu kwanza ni utaratibu wa kawaida kufanya hivyo, na pili, kushangilia ni sawa na kusema wamechoka na uongozi wa Jakaya.
Baada ya mgongano ya kiitifaki, Rais Magufuli alipata nafasi ya kuwahutubia. Kwa kusudi la makala hii nitataja machache ya aliyozungumzia.
Kwanza, alisema amewaita viongozi hao kuwashukuru kwa kumpigania hadi akachaguliwa kuwa rais. Alikiri kuwa bila wao, asingekuwa hapo alipo. Pili, aliwaeleza kuwa amewaita kuwahakikishia kuwa nchi iko salama na chama kitakuwa salama.
Tatu, alisema amewaita kuwahakikishia wale wenye mashaka na kasi yake ya utumbuaji majipu, na walioanza kupinga hatua hizo waache kumkatisha tamaa. Akatumia muda mrefu kueleza baadhi ya hisia zinazoenezwa kuwa anakiuka haki za binadamu, kuwa mizigo bandarini imepungua, na kuwa atadhalilisha CCM.
Mpaka hapa kuna mambo mawili makuu ya kutazamwa kwa umakini. Kwanza, Rais Magufuli alifanya kampeini kwa kusisitiza, “Tanzania ya Magufuli” itafanya hili na lile. Alikuwa mwangalifu sana kutotanguliza CCM mbele ya umma uliokuwa umekata tamaa na CCM.
Hata baada ya kuapishwa, mara mbili ametofautiana na Kikwete katika vikao vya kamati kuu. Mara ya mwisho walitofautiana kuhusu suala la uchaguzi wa Meya wa Jiji la DSM.
Katika kikao hicho, baadhi ya wajumbe wa kamati kuu walilalamika kuwa kuna mawaziri na watumishi wa serikali wanashabikia uchaguzi ufanyike na meya atoke Ukawa (Umoja wa Katiba ya Wananchi).
Kikwete aliunga mkono na kutaka hatua zichukuliwe dhidi ya wote walio serikalini na wanashibikia jiji liende Ukawa. Kabla ya kuhitimisha ajenda hiyo, Rais Magufuli akaomba kuzungumza.
Katika mchango wake, akakiri kuwa wapo wanaounga mkono na yeye ni mmoja wao. Akasema kama ni kosa lilifanyika pale CCM iliporuhusu uasi ndani yake na kusababisha mkoa wa Dar es Salaam uwe na madiwani wengi wa Ukawa.
Akakumbusha kuwa hata yeye wakati wa kampeni alifika mahali akaacha kwenda kwenye vikao vya usiku vya kufanya tathmini ya kampeini kwa sababu ya fitina na uasi.
Akasisitiza kuwa kama CCM haitaacha majungu, yeye hatakuwa tayari kuitetea. Akahitimisha kwa kusema, ni vizuri “tuwaache Ukawa watutawale Dar es Salaam ili tuonje uchungu wa kutawaliwa kwa sababu ya uasi wetu”.
Baada ya mchango wa Magufuli, Jakaya Kikwete aliahirisha kikao kwenda kunywa chai. Mgongano huu wa Kikwete na Magufuli hauwezi kuiacha CCM ikawa salama.
Hii ni kwa sababu huwezi kusifia hatua anazochukua Magufuli bila kulaani uongozi wa Jakaya. Mpaka sasa Magufuli hajaanzisha jambo jipya serikalini, bali anachofanya ni kukosoa utendaji wa Rais Kikwete.
Kwa hiyo, tangazo kwamba Magufuli atakabidhiwa CCM mwezi Juni si tangazo la heri kwa CCM ya Kikwete. Ni tangazo la kutumbua majipu ndani ya CCM yakiwamo yale yaliyomwezesha Magufuli kuingia madarakani.
Hata kama Magufuli anatamba hadharani kuwa hakuna mfanyabiashara yeyote aliyemchangia hata senti moja, lakini CCM na vyombo vyake vilifanya madudu makubwa kumwezesha Magufuli “kushinda” urais.
Matajiri walichangia CCM iliyokuwa inamnadi yeye. Je, yuko tayari kufumua hata jipu hilo?
Jambo la pili ni ukweli kuwa majipu anayoyatumbua Magufuli si ya wapinzani bali watendaji wa serikali ya CCM. Kwa hiyo, majipu yanayotumbuliwa ni matawi lakini. Mashina ya majipu ni CCM.
Je, uking’oa shina mti utapona? Huu ndiyo wasiwasi unaoikumba CCM ikiwa mikononi mwa Magufuli. Kwa hiyo, wana CCM wanaoijua CCM wanajua kuwa CCM haitakuwa salama, ingawa yeye aliwahakikishia kuwa itakuwa salama.
Kwanini alilazimika kuwahakikishia usalama? Magufuli anaishi kwenye nadharia kuwa mafisadi ndani ya serikali na ndani ya chama, hawakutumwa na chama kufanya uchafu.
Magufuli anaishi katika njozi kuwa anaweza kutumbua majipu yaliyo katika sehemu nyeti – tena bila ganzi – halafu mgonjwa akabaki kuchekelea na kushangilia.
Wenye hekima na wazee wa chama wanajua majipu mengine yameumbwa ndani ya CCM, na ndiyo yanashikilia uhai wa CCM. Ukiyatumbua, umeitumbua CCM. Hata kwa hekima ipi, hayatumbuliki. Na yakitumbulika, yanaondoka na CCM.
Ufisadi wa mabilioni na mikataba feki ndiyo imeifikisha CCM na serikali yake hapa ilipo. Hata kwa kitendo cha Magufuli kuita makada wa CCM kwa kutumia fedha ya serikali wakati akidai kubana matumizi, tayari ametengeneza kipere kitakachogeuka jipu.
Uzoefu pale Ikulu na Lumumba – makao makuu ya CCM – ni kuwa mikutano ya namna hiyo hutumia mara tatu ya gharama halisi.
Hiyo ndiyo CCM atakayokabidhiwa Magufuli mwezi Juni. Magufuli hajui CCM. Kama angeijua, asingeikaribisha Ikulu kwa ajili tu ya kuihakikishia kuwa itakuwa salama yake.

Ajali: Mvua Zasababisha Jumba la Ghorofa Kuporomoka Kenya


Ijumaa ya March 29, 2013 Wakazi wa mtaa wa Hindhila gandhi, Kisutu Jijini Dar es salaam waligubikwa na majonzi na vilio, mara baada ya jengo llenye ghorofa 16 kuanguka na kusababisha vifo vya watu zaidi ya 30 na majeruhi wapatao 17, ambapo sababu kubwa ilidaiwa kuwa lilikuwa linajengwa chini ya kiwango

Wakati ripoti ya Tanzania ikitanabaisha hayo, leo nchini Kenya imeripotiwa zaidi ya watu 7 wamefariki baada ya jumba moja kuporomoka mjini Nairobi
Watu zaidi ya 7 wameripotiwa kufariki na wengine zaidi 141 kujeruhiwa vikali baada ya jumba moja kuporoka kutokana na mvua kali zinazo endelea kunyesha nchini humo.

Watu 44 wamekwisha okolewa kutoka katika mabaki ya jumba hilo lililoporomoka.

Mvua kali zilinyesha mjini Nairobi na kusababisha mafuriko.

Vikosi vya uokozi bado

BALAA ZITO...Lugumi yazua Balaa Lingine..Maofisa wa Polisi Wahaha Kuunganisha Mitambo ya Alama za Vidole ifanyaje Kazi

Sakata la mkataba kati ya Jeshi la Polisi Tanzania na Kampuni ya Lugumi Enterprises wa kufunga vifaa 108 vya kuchukua alama za vidole katika vituo vya polisi, limezua balaa lingine kufuatia madai kwamba, maofisa wa polisi wameanza kupita katika vituo wilayani na mikoani kukagua na kuunganisha mitambo hiyo ili iweze kufanya kazi.

Taarifa zilizopatikana kutoka ndani ya jeshi  hilo zinadai kuwa, zoezi hilo limeanza huku kukiwa na usiri mkubwa.

Habari kutoka makao makuu ya polisi zinasema kuwa, maofisa wa polisi walitawanywa vituo mbalimbali nchini wakifuatilia kwa karibu suala hilo ambalo linalitikisa vichwa vya viongozi serikalini.

Aidha, gazeti hili likiwa Kituo Kikuu cha Polisi Mkoa wa Pwani, Ijumaa iliyopita lilishuhudia maofisa wa polisi wakiwa na wataalam kutoka makao makuu ya jeshi hilo jijini Dar na kuambiwa walikwenda kwalengo la kuunganisha mashine hizo ili zianze kufanya kazi.

Baadhi ya polisi kituoni hapo waliozungumza kwa masharti ya kutotajwa majina kwa kuwa siyo wasemaji, walidai kuwa kutofanya kazi kwa mashine hizo kulizorotesha shughuli za upelelezi hasa namna ya kuwatafuta wahalifu sugu wanaofanya uhalifu mkoa mmoja na kuhamia mwingine bila kujulikana.

Wakifafanua umuhimu wa mitambo hiyo, polisi hao walisema mhalifu, hasa jambazi anapokamatwa katika kituo chochote cha polisi, akifikishwa wilayani au mkoani hupigwa picha na kuchukuliwa alama za vidole na kuingizwa katika mtandao, hivyo kuwa rahisi kujua kama alishawahi kufanya uhalifu popote nchini.

Kamanda wa Polisi Mkoa wa Pwani, ACP Bonaventura Mshongi alipoulizwa kama amepokea ugeni wa polisi kutoka makao makuu kwa ajili ya kufuatilia mashine hizo, alikiri kupata wageni ofisini kwake. Hata hivyo, hakuwa tayari kufafanua walichokifuata.

Tayari bunge limeunda kamati ndogo yenye wabunge tisa iliyopewa kazi ya kuchunguza kwa kina mkataba huo, kwa mujibu wa Makamu Mwenyekiti wa Kamati ya Bunge ya Hesabu za Serikali (PAC), Aeshi Hilary.

Hilary alisema kuundwa kwa kamati hiyo kumetokana na uamuzi wa Spika wa Bunge, Job Ndugai ambaye ameielekeza kwenda kuchunguza kwa kina mkataba huo na kupewa siku 30 za kufanya kazi hiyo kisha taarifa itatolewa bungeni.

Kamati hiyo itawahoji mawaziri, viongozi wa jeshi la polisi waliopo na waliostaafu na wafanyabiashara waliotajwa pamoja na kampuni zilizoshiriki kufunga mashine hizo.

Naye Mkurugenzi wa Upelelezi na Makosa ya Jinai (DCI), Diwani Athuman alipotafutwa kwa njia ya simu na Uwazi, juzi (Jumapili), alisema hana taarifa hizo na badala yake akaelekeza atafutwe msemaji wa jeshi la polisi, Advera Bulimba ambaye mpaka gazeti hili linakwenda mitamboni, hakupatikana.

Mwaka 2011, Kampuni ya Lugumi  ilipewa zabuni ya kufunga mashine za kuchukua alama za vidole katika vituo vya polisi 108 nchini ambapo inadaiwa imeshalipwa Sh. bilioni 34 kati ya bilioni 37, sawa na asilimia 99 ya malipo yote.

Hata hivyo, kuna madai kwamba ni vituo 14 tu vilivyofungwa mashine hizo huku mashine moja pekee ikiwa ndiyo inayofanya kazi.

Chanzo:GPL

AJALI MBAYA ALIYOIPATA MWANAMUZIKI "TUNDA MAN" YAACHA HISTORIA KWA WATANZANIA




Kama ni mtumiaji wa mitandao ya kijamii utakua umekutana na taarifa inayomhusisha Tunda Man kupata ajali  akiwa Mkoani iringa Asubuhi ya April 17 millardayo.com imempata Tunda Man mwenyewe na amekubali kutuelezea.


Maelezo ya mwanzo ya Tunda Man amesema
‘Tulikua tunatoka Njombe baada ya kumaliza show yetu na tukasema bora tusilale tuwahi kufika Dar,tumetoka Njombe saa 10 alfajiri mimi nikawa nasikia usingizi nikamwambia mwanangu hebu tuendeshe kidogo,kufika kijiji cha Idetelo kilomita kama 20 au 30 kabla ya kufika Mafinga tukiwa tumelala tukashtuka Gari inaingia porini tukasikia mshindo mkubwa gari imepiga puuuh Dereva hapo hapo akawa amefariki‘

Tunda Man anamalizia kwa kusema
‘Tulikua watu watano kwenye gari aliyekaa mbele na Dereva amevunjika mkono na nyama zimechanika,kuna mtu aliyekua nyuma mapafu yamepasuka,Mimi nipo poa,kwa sasa hivi tuko Mafinga hapa Hospitali ya Wilaya tunaangalia taratibu za kuchukua mwili tuupeleke Kilosa kwa ndugu zake,marehemu aliyefariki anaitwa Mussa lakini watu wengi wanamjua kwa jina la Man katuzo.


BREAKING NEWS: GAZETI LA NIPASHE LAKIONA CHA MOTO BAADA YA KUANDI HABARI HII NZITO YA KUHUSU KAMATI YA BUNGE KATIKA SAKATA LA LUGUMI>>>>GAZETI LA NIPASHE LINATISHA





Ofisi ya Bunge imebaini upotoshwaji mkubwa Katika habari iliyochapishwa na Gazeti la Nipashe toleo la Aprili 16, 2016 yenye kichwa cha habari kisemacho “ Bunge sasa laufyata mkataba wa Lugumi”.

Habari hiyo imeandikwa kufuatia ufafanuzi uliotolewa na Bunge jana kuhusu maagizo yaliyotolewa na Kamati ya Hesabu za Serikali (PAC) dhidi ya utekelezaji wa mkataba wa Jeshi la Polisi na Kampuni ya Lugumi Enterprises Ltd  kuhusu mradi wa utambuzi wa alama za vidole (AFIS) (Automated Fingerprint Identification System.)

Ndani ya habari hiyo pia, Gazeti hilo limeeleza kuwa kamati ya PAC iliwahi kuliandikia Jeshi la Polisi kulitaka liwasilishe mkataba huo mbele ya Kamati, jambo ambalo si kweli bali ni upotoshwaji wa makusudi wenye lengo la kujenga hisia mbaya kuhusu mwenendo wa shughuli za Bunge mbele ya Umma.

Ukweli ni kwamba PAC haijawahi kuliandikia jeshi la Polisi kama inavyodaiwa na Gazeti hilo. Nukuu ya  maelezo ya PAC katika Hansard kwa Afisa Masuhuli kuhusu jambo hilo inasema kama ifuatavyo:

“Kamati inamuagiza Afisa Masuhuli kuwasilisha maelezo ya kina kuhusu utekelezaji wa Mkataba baina ya Jeshi la Polisi na  Kampuni ya Lugumi Enterprises  kuhusu mradi wa AFIS. Maelezo hayo yawasilishwe kwa Ofisi ya  Katibu wa Bunge kabla ya Jumatatu tarehe 11 Aprili, 2016”.

Katika agizo hilo PAC haikuwa imeandika kwa maandishi kuhusu agizo lake hilo hadi tarehe 12 Aprili, 2016 ilipo mweleza Katibu wa Bunge aweze kuwasilisha agizo hilo kwa maandishi ili liweze kupata Kinga chini ya Sheria ya Haki, Kinga na Madaraka ya Bunge ambapo barua iliandikwa na kuwasilishwa kwa Afisa Masuhuli ili kupatiwa maelezo hayo kabla ya tarehe 18 Aprili, 2016.

Aidha, Mwandishi pia amelituhumu Bunge kuwa lina nia ya kuficha ukweli kuhusu jambo hili kwa kusema   taarifa ya ufafanuzi iliyotolewa na Bunge ni “kama kufunika kombe mwanaharamu apite kwa kujaribu kupotosha maagizo ya yaliyotolewa na kamati ya PAC ambayo inataka kuuona mkataba huo”

Ni vyema ikafahamika kuwa si jambo jema kwa mwandishi au chombo chochote cha habari kulituhumu Bunge linapotekeleza majukumu yake kwa kuwa Bunge linafanya kazi zake kwa kwa kuzingatia kanuni zake za Kudumu ikiwa ni pamoja na Sheria. 

Ofisi ya Bunge inalisihi Gazeti la Nipashe kuomba radhi kutokana na taarifa yake hiyo iliyojaa upotoshwaji mkubwa kwa uzito ule ule au kurekebisha taarifa yake kulingana na ukweli ulivyo haraka iwezekanavyo.

Imetolewa na;
Ofisi ya Bunge,
Kitengo cha Habari, Elimu na Mawasiliano,
S.L.P 9133,
DAR ES SALAAM.
16 Aprili, 216.

Older Posts
© Copyright bongonews | Designed By JAMIIYETUBONGO.COM
Back To Top